‫

مقدمة

في الشهور اللي فاتت الشركات دي

• Twitter

• Lyft

• Uber

• Stripe

• Coinbase

• Shopify

• netflix

• Microsoft

• Groupon

• Snap

• Amazon

• Tiktok

• Robinhood

• Chime

• Airbnb

• Getir

• klarna

• Peloton

• Tesla

• Meta

مشوا أكتر من 90 ألف موظف .. أكتر الشركات هما مايكروسوفت و أمازون و جوجل و ميتا

و دول الأرقام اللي معلن عنها .. ممكن فيه رفد بيحصل أكتر لكن الشركات مبتقولش ده.

layoffs.fyi في 2022 فيه أكتر من 130 ألف موظف مشوهم من الشغل طبقًا لموقع

‫ في كل الإيميلات اللي الCEOs بعتوا فيها إعلان الlayoffs كان فيه 4 أسباب مشتركة بينهم:

1- الركود الإقتصادي القادم

2- Over hiringال

3- نهاية جائحة الكورونا أو عالأقل مش زي الأول.

4- و انهم مرفدوش ناس تستحق الرفد من قبل كده

حناخد الأسباب دي واحدة واحدة

1- الركود الإقتصادي القادم

‫ في 2020 الفيدرالي الأمريكي طبع ما يعادل 40% من إجمالي الدولارات ف الcirculation كلها .. يعني من ساعة ما إخترعوا الدولار لحد دلوقتي .. 40% من الدولار اللي موجود في العالم إتطبع في سنة واحدة :) و إدوا الناس stimulus checks و معونات عشان الإقتصاد ماينهرش ده طبعًا أدى لتضخم .. لما ناس كتير معاها فلوس كتير ف الفلوس قيمتها بتقل .. ف الفيدرالي بيرفع الفايدة .. يعني لو بنك أو فرد حيقترض من بنك تاني .. الفائدة بتاعة القرض حتبقى أعلى.

ده بيثبط الناس عن انهم يقترضوا فلوس ف الناس يعني بدل ما تقترض 100ألف دولار بفايدة 2% عشان تشتري عربية .. دلوقتي حتقترض ال100ألف بس بفايدة 6% ف دلوقتي حتلاقي الفايدة زيادة ف تقول بلاش أشتري عربية .. و كذا حد يعمل زيك ف صاحب العربية ميبعش عربيات .. ف الطلب يقل .. ف الأسعار تنزل و التضخم يهدأ ‫ الشركات بتاخد قروض بضمان أصولها عشان تبني مشاريع تانية و تscale و تكبر أكتر .. ف لما تلاقي الفايدة زادت حتقول لا بلاش ناخد قرض كبير كده بفايدة كبيرة و مش حتscale زي ما كانت عايزة.

‫ التخضم مبيقلش بين يوم و ليلة ف الconsumer spending أو إنفاق المستهلك بيقل عشان التضخم لسه موجود بالتالي الشركات مش حتصرف على إعلانات زي الأول عشان المستهلكين مش حيبقوا عايزين يشتروا دلوقتي و بيوفروا فلوسهم للحاجات الأساسية زي الأكل و الإيجار .. لو الشركات حتقلل ميزانية الإعلانات ف الشركات اللي مصدر ربحها الإعلانات زي تويتر و فيسبوك حتخسر فلوس و ربحها يقل .. ف حتضطر تمشي ناس ف رفع فايدة الدولار بيؤدي لتقليل الإقتراض و التركيز ف توفير الفلوس أفضل.

‫ الموضوع مش حكر بس عالشركات الكبيرة .. الستارتبس برضه بتواجه صعوبة مع Venture Capitalists اللي هما أصحاب رؤوس الأموال و المستثمرين ف الضرر طايل كله للأسف

كمراجعة سريعة عالتأثير:

أ- رفع سعر فايدة الدولار

ب- المستهلكين ميستهلكوش زي الأول

ج- الشركات تقلل ميزانية الإعلانات عشان سبب ب

د- الشركات اللي معتمدة على فلوس الإعلانات ربحها يقل

‫ ز- الشركات بتوع سبب د بيمشوا ناس

‫ 2- الOver hiring

‫ و ده بسبب عقلية الgrowth عند المستثمرين ..

‫ فيه VCs كتير بيحرقوا فلوس بالعبيط عشان الgrowth .. يعني عايزين الشركة تهيمن عالmarket و تحتكره الأول و مش مهم تخسر .. بعد ما تحتكره نبقى profitable. و ف بعض الشركات الbig tech بيبقى فيه ضغط عالengineering manager يعين developers كتير تحتيه عشان يبقى هو فرد مهم في الorg ف صعب يمشوه + انك ت hire ناس كتير و ناس كتير ت report ليك ده بيبقى مفيد لما تيجي تترقى لمنصب أعلى.

3- نهاية جائحة الكورونا أو عالأقل مش زي الأول.

‫ شركات زي أمازون و نيتفلكس و فيسبوك كسبوا فلوس بالعبيط وقت الquarntine .. الكل كان قاعد في بيته و بيتشري أونلاين و يتفرج على أفلام .. المشكلة ان مديري الشركات دول افتكروا ان حتى بعد الكورونا .. عقلية البشر مش حترجع زي الأول و حيفضلوا يستهلكوا منتجاتهم.

‫ الCEO بتاع Strip باتريك كوليسون قال انهم عينوا ناس كتير بزيادة عشان كانوا متفائلين بالنمو بتاع الinternet economy في السنتين اللي جايين و مارك زوكربرج قال حاجة مشابه لده ف الemail بتاعه قال انهم توقعوا ان حيحصل فيه growth accelration للشركة و ده ميحصلش و هو يتحمل مسئولية دي.

‫

هما مكانوش غلطانين كليةً .. دلوقتي الremote work بقى مرحب بيه أكتر من الأول و الناس معتمدة على zoom لكن رؤيتهم مكانتش دقيقة

4- انهم مرفدوش ناس تستحق الرفد من قبل كده

ده سبب مش منطقي بالنسبالي بس حاسس انه لازم يتمنشن.

‫ الشركات لو مشوا ناس ف ممكن الناس ترفع قضية عالشركة (خصوصًا لو شركة كبيرة و غنية) بدوعى إنهاء العقد بطريقة غير مشروعة او wrongful termination ف ممكن الشركة تنقل الشخص لتيم تاني عشان يتجنبوا ده + لو المدير محتاج عدد كبير من الdirect reports ف مش منطقي يرفد حد.

طيب .. و هلأ لوين ؟

‫ أولًا حابب أواسي أحد حد إتأثر بموجة الlayoffs و بجد بتمنى انه/ا يلاقوا شغل في أقرب وقت .. التجربة بشعة و أبشع لو بلد غريبة و على فيزا شغل و ممكن لو لقوا أي position في مايكروسوفت يتواصلوا معايا و حبقى سعيد أعملهم referal.

‫ ثانيًا وجهة نظري اللي متسواش تعريفة ان اللي بيحصل ده market correction و كان لازم الbubble ت get burst لكن مش عدل ان الموظفين هما اللي يدفعوا التمن بسبب غباء/جشع/قصر نظر المديرين لكن ده حصل ف الdot com bubble و دلوقتي عندنا عشرات الآلاف من الناس الأذكياء جدًا ممكن يلاقوا بعض و يكونوا كيان كبير بدل هيمنة شركات الBig tech على الماركت كله ..

‫ و أنا متفائل ان الموجة تعدي بسلام و محدش يضطرر و اللي تضطرروا يرجعوا شغلهم او يلاقوا مكان أفضل بتمنى من كل قلبي للي بيقرا ده الكلام ده ي/تلاقي شغل ف المكان اللي حابينه و يستاهلهم .. و أتمنى الأوقات الحالكة دي تمر بسرعة و متأثرش علينا جامد.

شكرًا و أتمنى أكون أفدتكم و لو غلطت ف معلومة أرجوك تصلحهالي 🙏❤️

المصادر

https://t.co/FhC4lEjdGP

https://t.co/Nh9tHdQSpJ

https://t.co/qBeNaKXAKb

https://t.co/45HVA56ZXC