مقدمة و قضية (دودج) ضد شركة (فورد) للسيارات

‫ في سنة 1916 .. شركة فورد للعربيات لقت ان عندها 60 مليون دولار زيادة في ميزانيتها .. و قالت بدل ما تدي نسبة منهم للshareholders - المساهمين الكبار اللي بيملكوا معظم أسهم الشركة و بيتحكموا في قرارتها المصيرية - صاحب الشركة (هنري فورد) قال انه عايز يفتح مصانع تانية تصنع عربيات بسعر رخيص و برضه يوظف عمال أكتر عشان هو كان بيطمح إن الناس تستفيد من النظام الصناعي و تفتح بيوت:

My ambition is to employ still more men, to spread the benefits of this industrial system to the greatest possible number, to help them build up their lives and their homes. To do this we are putting the greatest share of our profits back in the business.

‫ (هنري فورد) كان بيملك أكتر عدد من الأسهم و يليه 2 إخوات (جون دودج) و(هوراس دودج) .. و الإتنين دول معجبهمش الكلام ده و قالوا إزاي تاخد أرباحنا عشان توظف ناس أكتر و تصنع عربيات بسعر رخيص ؟ دي مش جمعية و رفعوا عليه قضية و كسبوها .. القضية دي حكمت ان الهدف الرئيسي من أي business هو زيادة أرباح ال shareholders و إن مهمة صاحب الشركة تكون في صالح الshareholders اولًا بعدين نشوف باقي الناس .. لكن مينفعش يعمل حاجة مش within the interest of the shareholders

‫ و دي إتسمت بShareholder primacy و مهم نعرفها عشان نفهم ليه بيحصل اللي بيحصل

‫ الشركات المعروفة في الtech عينت ناس كتير وقت الكورونا عشان كانوا فاكرين ان الناس حتفضل عالحال ده و إستهلاكهم الإلكتروني الكبير مش حيرجع زي الأول .. ف عينوا ناس كتير .. لو حابة تعرفة أكتر ممكن تقري المدونة دي hashnode.com/post/clddd9yrm000g09kzd6tta9ly

خلفيات إقتصادية

‫ فيه حاجة اسمها Earnings report و ده أي شركة public (يعني عاملة إكتتاب عام و طارحة أسهمها في البورصة) بتعمله كل 3 شهور

‫ و بيبقى فيه earnings call الشركة بتقول فيه كل حاجة .. قبل الearnings call ده بيبقى فيه محللين إقتصاديين بيقولوا الشركة حتحقق ربحية برقم معين بيبقى EPS او Earnings Per Share

الرقم ده بيبقى صافي الربح مقسوم على عدد الأسهم المطروحة في السوق.

‫ لو شركة x حققت أرباح ب 10 مليون دولار و عندها في السوق 100 ألف سهم ف كده الEPS بتاعها 10,000,000/100,000 = $100

يعني لكل سهم الشركة بتحقق صافي ربح 100 دولار.

‫ الفكرة ان ف الكورونا معظم الشركات كانت بتحقق تحاليل المحللين الإقتصاديين في wall street بل بتعديها كمان .. ف الناس (خصوصًا الshareholders) بينبسطوا و سعر السهم يعلى و يتغنوا أكتر

‫ دي الEarnings Call بتاعة مايكروسوفت و فيسبوك و جوجل و أمازون وقت الكورونا

‫

Google EPS in last 3 years

Amazon EPS in last 3 years

Microsoft EPS in last 3 years

Meta EPS in last 3 years

‫في شركات الTech أكتر حاجتين بتكلف مصاريف كتيرة هي الData centers و مرتبات الموظفين .. لما الشركة بترفد موظفين كتير معنى ده يا إما هي حتفلس (و ده مش ف الحالة دي) او هي عملت hiring surge و محتاجة ترفد ناس عشان تقلل مصاريف و الbook value بتاعتها تبقى أحسن عشان كده الOperating costs قلت .. ف كده صافي الربح يزيد ف الEPS يزيد و سعر السهم يطلع تاني.

دي زيادة التعيين وقت الكورونا

a close up of text on a white background

حنلاقي شركة زي أمازون ضاعفت عدد الموظفين و حنلاقي هنا نسبة الموظفين اللي تم إنهاء عقدهم في الشهور الأخيرة

‫

No alternative text description for this image

‫ و دي رسالة من (كريستوفر هون) اللي بيمتلك 6 بليون دولار من أسهم جوجل بيقول ل(سندار) الCEO برافو عليك .. ياريت تمشي كمان عشان نرجع الheadcount زي قبل الكورونا

MaHmوD on Twitter: "انا محتاج بعد كل صفحة اذاكرها مدحت شلبي يقولي برافو علييييك https://t.co/0Zy6oNU3Yy" / Twitter

الشركات غلطت/إستعبطت/طمعت .. سميها أيًا كان .. ده اللي حصل.

‫ في شركات حتكمل إستثمار في حاجات تانية زي ما فيسبوك حتحرق فلوس كمان في الميتافيرس أو ميكروسوفت لما جدت الشراكة مع OpenAI و عارضة تشتري 49% من أسهمها.

الشركات معاها فلوس لكن بيغيروا ف إستراتيجيتهم ولو طلعت غلط فللأسف الموظفين هما بيدفعوا تمن ده.

FAQ

انا لسه خريج/بدرس .. هل أكمل ف المجال ولا خلاص كده ؟

كمل طبعًا .. دي فقاعة و حتروح و الكساد الإقتصادي ده مش حيبقى آخر واحد .. حصل زيه ف 2008 و 1991 و 1929.

‫ حصلت dot com buble في 2001 و الناس قالت خلاص دي النهاية و عادي عدت زي غيرها و زي ما دي حتعدي.

‫ أنصحك تسأل ناس عمرها عالأقل 45 سنة و بتشتغل من بداية الألفينات و حتطمنك .. متسمعش كلام ناس صغيرة اولهم أنا xD

‫ أنا عايش برة مصر و حصللي/خايف يحصللي layoff

‫ كلم مكتب التوظيف و العمالة الخارجية و شوف هل فيزتك بتسمح بإيه .. هل ليك حق العمل عند شركة تانية ولا حتحتاجهم يعملولك visa sponsorship

‫ فيه بعض الدول لما لا قدر الله بتتسرح بيدولك Job seaking visa لمدة 6 شهور تلاقي فيهم شغل.

‫ ممكن تنزل مصر لو مصاريفك كتير و تعمل subletلمحل سكنك ف البلد الحالية عشان توفر مصاريف و ترجع تاني إن شاء الله

‫ و في كل الحالات ارجعي تاني حلي leetcode .. انا عارف الموضوع تقيل و رخم بس لازم تبقى على طول جاهز .. نعتبره زي غسيل السنان او تنشير الغسيل .. حاجة مش بنحبها قوي بس لازم نعملها.

‫ و مدرك الحالة العامة مليانة سخط و غضب و كره .. و الشركات بتعمل حركات قذرة زي ما جوجل لغت الaccess بتاع الناس للcorperate VPN و الbadges مبقتش تشتغل و الناس فهمت كده انهم متسرحين.

‫ او امازون ف الهند لما طلبوا من الموظفين يجوا المكتب (فيه ناس بالنسبالهم دي ساعات سفر) عشان يكتشفوا انهم متسرحين و سلموا اللابتوبات و قالولهم يستنوا عشان حد يجي يطلعهم برة المبنى لأن البادجات مش حتشتغل.

لكن كلموا صحابكوا و الناس اللي تعرفوهم اللي شغالين ف الشركات دول ..إتطمنوا عليهم و إسألوهم empathyعشان الوضع صعب و الغربة بتصعبه ف ده وقت ال